હરિયાણાની ભારતીય જનતા પાર્ટી (BJP) નેતા અને સોશિયલ મીડિયા સ્ટાર સોનાલી ફોગાટના મોતને લઇને હવે એક મહત્વપૂર્ણ ખુલાસો થયો છે. ગોવા પોલીસની પૂછપરછમાં જાણવા મળ્યું છે કે સોનાલી ફોગાટને બળજબરીથી ડગ પીવડાવવામાં આવ્યું હતું. ગોવાના આઈજી ઓમવીર સિંહ બિશ્નોઈએ કહ્યું કે સોનાલીના પોસ્ટમોર્ટમ બાદ અમે સમગ્ર મામલાની તપાસ શરૂ કરી દીધી છે અને તે જ્યાં ગઈ હતી તે સ્થળોની મુલાકાત લીધી હતી. આરોપીઓને પૂછપરછ માટે બોલાવવામાં આવ્યા હતા. પૂછપરછ દરમિયાન જાણવા મળ્યું કે સોનાલી ફોગાટને જબરદસ્તીથી કોઇના કોઇ પદાર્થ આપવામાં આવ્યો હતો.
ગોવા પોલીસના આઈજી ઓમવીર સિંહે કહ્યું કે સોનાલી ફોગાટને બળજબરીથી ડગ આપવામાં આવ્યું હતું, ત્યારબાદ તેની તબિયત બગડી અને સવારે 4:30 વાગ્યે જ્યારે તે કાબૂમાં ન હતી, ત્યારે આરોપી તેને ટોયલેટમાં લઈ ગયો, 2 કલાક સુધી તેણે શું કર્યુ ? આરોપીએ આનો જવાબ આપ્યો ન હતો. તેમણે કહ્યુ કે, અમે તમામ સીસીટીવી ફૂટેજ જોયા છે અને બંને આરોપીઓની ધરપકડ કરી લીધી છે. અમને લાગે છે કે તેને બળજબરીથી જે ડગ આપવામાં આવ્યું હતું તેનાથી તેનું મોત થયું છે, તે પાર્ટીમાં વધુ બે યુવતીઓ પણ હતી, જેમને ઓળખી કરી લેવામાં આવી છે.
અને તેમને પણ પૂછપરછ માટે બોલાવવામાં આવી રહ્યા છે.સોનાલી ફોગાટના મોત પાછળ ષડયંત્રની શંકા પહેલા દિવસથી જ આવી રહી હતી. સોનાલીના ભાઈ રિંકુ ઢાકાએ ગોવાના અંજુના પોલીસ સ્ટેશનને આપી હતી. તે તહરિરમાં બે લોકો પર ઘણા ગંભીર આરોપો લગાવવામાં આવ્યા હતા. જેનો પુરાવો હવે પોસ્ટમોર્ટમ રિપોર્ટ પણ કરી રહ્યો છે. જેમાં કહેવામાં આવ્યું હતું કે સોનાલીના શરીર પર ઈજાના ઘણા નિશાન છે. મૃત્યુ બાદ સોનાલી ફોગાટનું શરીર પણ વાદળી થઈ ગયું હતું. ફોરેન્સિક ટીમ આ મામલે કેમિકલ તપાસ કરી રહી છે.
એટલે કે હજુ સુધી પોસ્ટમોર્ટમ રિપોર્ટ આવ્યો નથી.તે બે લોકોનો પર્દાફાશ સોનાલીના ભાઈની તહરીરે કર્યો હતો. જેમને આ ષડયંત્રના સૌથી મોટા આરોપી કહેવામાં આવી રહ્યા છે. આ છે સોનાલી ફોગાટના પીએ સુધીર સાંગવાન અને તેના પાર્ટનર સુખવિંદર વાસી. રિંકુ ઢાકાના તહરિરમાં સોનાલી ફોગાટનું યૌન શોષણ અને તેની સંપત્તિ જપ્ત કરવાના ષડયંત્ર પાછળ સુધીર અને સુખવિંદરનો હાથ હોવાનું કહેવાય છે. તેમની હત્યાનો આરોપ પણ આ બંને પર છે.
પોલીસે જણાવ્યું કે સોનાલી, સુખવિંદર અને સુધીરને નીચે ઉતારનાર ટેક્સી ડ્રાઈવરની શોધ ચાલી રહી છે. ડ્રાઈવરની પૂછપરછ બાદ આ ઘટનામાં વધુ કડીઓ ઉમેરવામાં આવશે. જણાવી દઇએ કે, ખરાબ તબિયતની ફરિયાદ બાદ 23 ઓગસ્ટના રોજ સવારે તેમને સેન્ટ એન્થોની હોસ્પિટલમાં લઈ જવામાં આવ્યા હતા, પરંતુ ત્યાં પહોંચતા પહેલા જ તેમનું મોત થઈ ગયું હતું. ત્યારે તબીબોએ હાર્ટ એટેકના કારણે તેમનું મૃત્યુ થવાની આશંકા વ્યક્ત કરી હતી. પરંતુ હવે આ મામલે અનેક ખુલાસાઓ થઇ રહ્યા છે.