શિલ્પા શેટ્ટીની ‘પ્રિન્સેસ’નું થયુ નિધન, બોલી- મારુ પહેલુ બાળક…મારા દિલનો ટુકડો પોતાની સાથે લઇ ગઇ

શિલ્પા શેટ્ટી માટે આજનો દિવસ ખૂબ જ મુશ્કેલ છે. તેણે પોતાના એક નજીકનાને ગુમાવ્યા છે. શિલ્પા શેટ્ટીની ડોગ પ્રિન્સેસનું નિધન થયું છે. શિલ્પા શેટ્ટીએ પ્રિન્સેસની યાદમાં એક વીડિયો શેર કર્યો છે. તેની પ્રિંસેસના ફોટા અને વીડિયો દ્વારા બનાવેલો આ વીડિયો તેણે હાલમાં જ ઇન્સ્ટાગ્રામ પર શેર કર્યો છે. વીડિયોમાં શિલ્પા પ્રિંસેસ સાથે વાત કરતી જોવા મળે છે. શિલ્પાનો દીકરો વિયાન રાજ કુન્દ્રા પણ તેને ગળે લગાવતો જોઈ શકાય છે. વિયાન પ્રિન્સેસ આઈ લવ યુ કહેતો જોવા મળી રહ્યો છે. શિલ્પા શેટ્ટીએ ડોગની યાદમાં વિડિયો શેર કરતા ઈમોશનલ કેપ્શન લખ્યું છે.

તેણે લખ્યું, “મારું પ્રથમ બાળક… મારી પ્રિંસેસ શેટ્ટી કુન્દ્રાએ રેઇનબો બ્રિજ પાર કરી લીધો. છેલ્લા 12 વર્ષમાં અમારા જીવનમાં આવવા અને શ્રેષ્ઠ યાદો આપવા બદલ આભાર. તમે મારા હૃદયનો ટુકડો તમારી સાથે લઈ ગયા છો. તમારી ઉણપ કોઈ ભરી શકશે નહિ. મમ્મા-પાપા, વિયાન અને સમિષા તને યાદ કરશે. મારી પ્રિય પ્રિંસેસ તારી આત્માને શાંતિ મળે.” શિલ્પા શેટ્ટીની નાની બહેન શમિતા શેટ્ટીએ પણ પ્રિંસેસના જવા પર શોક વ્યક્ત કર્યો છે.

શમિતાએ શિલ્પાના વીડિયો પર કમેન્ટ કરી- અમારી પ્રિન્સેસ, તમારી આત્માને શાંતિ મળે. પ્રિન્સેસના જવાથી શિલ્પાના ઘણા ચાહકો પણ શોક વ્યક્ત કરી રહ્યા છે. શિલ્પા શેટ્ટીના પ્રોજેક્ટ્સની વાત કરીએ તો આ દિવસોમાં તે ઈન્ડિયાઝ ગોટ ટેલેન્ટમાં જોવા મળી રહી છે. આ રિયાલિટી શોમાં તેની સાથે કિરણ ખેર, મનોજ અને રેપર બાદશાહ જજની ભૂમિકા ભજવી રહ્યા છે. શિલ્પાએ ગયા વર્ષે ફિલ્મોમાં પણ કમબેક કર્યું છે. તે ફિલ્મ ‘હંગામા 2’માં જોવા મળી હતી. હવે તે જલ્દી જ ફિલ્મ ‘નિકમ્મા’માં જોવા મળશે.

શિલ્પાની વાત કરીએ તો, તે પરિવારના સભ્યો સાથે અલીબાગમાં છે. રવિવારે તે તમામ સાથે ત્યાં ગઈ હતી. મંગળવારે બધાએ સાથે મળીને તેની દીકરી સમિષાનો જન્મદિવસ મનાવ્યો હતો. તેની તસવીરો અને વીડિયો સોશિયલ મીડિયામાં ખૂબ વાયરલ થયા હતા. શિલ્પા શેટ્ટીની દીકરી સમીષાના જન્મદિવસ પર શમિતા શેટ્ટીનો બોયફ્રેન્ડ રાકેશ બાપત પણ હાજર રહ્યો હતો.

disabled