સુપ્રસિદ્ધ ગાયિકા લતા મંગેશકરના રવિવારે 6 ફેબ્રુઆરીએ સાંજે મુંબઈના શિવાજી પાર્કમાં અંતિમ સંસ્કાર કરવામાં આવ્યો હતો. અંતિમ સંસ્કાર પહેલા ફિલ્મ અને રાજકીય જગતના તમામ લોકોએ તેમને શ્રદ્ધાંજલિ આપી હતી. આ દરમિયાન સોશિયલ મીડિયા પર એક વીડિયો જોરદાર વાયરલ થઈ રહ્યો છે, જેને જોઈને ઘણા લોકો શાહરૂખ ખાનને ગાળો આપવા લાગ્યા, જ્યારે ઘણા તેનો બચાવ કરતા જોવા મળ્યા. રવિવારે શાહરૂખ ખાન તેની મેનેજર પૂજા દદલાની સાથે લતાજીને શ્રદ્ધાંજલિ આપવા મુંબઈના શિવાજી પાર્ક પહોંચ્યા હતા. શાહરૂખ અને પૂજા બંને લતા મંગેશકરના પાર્થિવ દેહને શ્રદ્ધાંજલિ આપવા માટે એકસાથે સ્ટેજ પર ચઢ્યા હતા. મેનેજર પૂજા દદલાની ત્યાં હાથ જોડીને ઊભા હતા, જ્યારે શાહરૂખ ખાને સૌથી પહેલા ત્યાં ઊભા રહીને દુઆ માંગી હતી. પછી, તેનું માસ્ક નીચે સરકાવીને, નીચે નમીને ફૂંક મારી હતી.. શાહરૂખની આ રીત પર ઘણા લોકોએ સવાલ ઉઠાવ્યા છે.
મધુ કિશ્વરે શાહરૂખની ફુંકને થૂંક ગણતા પ્રશ્ન કર્યો હતો, “ભારત રત્ન પુરસ્કાર મેળવનારના અંતિમ સંસ્કારમાં પણ થૂંક જેહાદ ચાલી રહી છે. આ છે ધર્મનિરપેક્ષતાનો મહિમા!” આ સાથે જ બીજેપી નેતા અરુણ યાદવે લખ્યું કે, શું તેમણે થૂંક્યું ? બંનેના ટ્વિટને મોટી સંખ્યામાં લોકોએ રિટ્વીટ કર્યું. ‘થુક જેહાદ’ પર વાતચીત શરૂ થઈ. તે બાદ અરુણ બોથરા લખે છે, “દુઆ પાઠ કર્યા પછી ફૂંક મારવાનો ઇસ્લામમાં રિવાજ છે. તે સામાન્ય રીતે દરેકને ખબર છે. આવા દુખદ પ્રસંગે મૂર્ખતાભર્યા પ્રશ્નો ઉઠાવનારાઓ સત્ય જાણે છે, પણ આદતની બહાર કેટલીક મજબૂરી હોય છે. ‘ફૂંક’ને થૂંક કહેનારાઓની વિચારસરણી થૂંકવા લાયક છે. તેઓ ઝેર અને નફરત કેળવે છે.”
બીજી તરફ, નરેન્દ્રનાથ મિશ્રાએ પણ અફવા ફેલાવનારા લોકો પર આકરા પ્રહારો કરતાં લખ્યું કે, “સ્વર કોકિલા લતા મંગેશકરના નિધન પછી, આખો દેશ તેમની યાદો સાથે એક થઈ ગયો હતો. દરેક વ્યક્તિએ પોતપોતાની રીતે લતા દીદીને આદર આપ્યો, જેની તે હકદાર હતી. તે હિન્દુસ્તાનનો અવાજ હતી. પત્રકાર નેહા ખન્ના લખે છે, “દેશના કેટલાક લોકો આ સહન કરી શકતા નથી. આપણે આ ભારત માટે જ લડતા રહેવાનું છે.” ત્યાં, ઘણા લોકોએ લતાજીના અંતિમ સંસ્કાર પર શાહરૂખે કરેલી પ્રાર્થનાના વખાણ પણ કર્યા. કેટલાકે કહ્યું કે હિન્દુના અંતિમ સંસ્કાર પર મુસ્લિમો દ્વારા પ્રાર્થના કરવી એ ભારતનું ગૌરવ છે, આ દેશની સુંદરતા છે. પ્રશાંત કુમાર લખે છે, “યે ભારત દેશ હૈ મેરા.”
स्वर कोकिला लता मंगेशकर के निधन के बाद पूरा देश एक साथ उनकी यादों के साथ जुड़ा रहा। सभी ने अपने तरीक़े से लता दीदी को सम्मान दिया जिसकी वह हक़दार थीं। वह हिंदुस्तान की आवाज़ थी।अंतिम यात्रा में भी हिंदुस्तान को जोड़ कर गयी।
ऐसी बेला में दुआ में भी नफ़रत खोजने वालों को इग्नोर करें pic.twitter.com/GuEUmBf3PU— Narendra nath mishra (@iamnarendranath) February 6, 2022
આ કમેન્ટ અને વીડિયો વાયરલ થયા બાદ સ્વરા ભાસ્કર અને અશોક પંડિત તેના સમર્થનમાં આવ્યા છે. જણાવી દઇએ કે, શાહરૂખ ખાન અને તેની મેનેજર પૂજા દદલાની બંને લત્તા મંગેશકરના પાર્થિવ દેહને શ્રદ્ધાંજલિ આપવા માટે એકસાથે સ્ટેજ પર ચઢ્યા હતા. મેનેજર પૂજા હાથ જોડીને ત્યાં ઉભી રહી હતી, જ્યારે શાહરૂખ ખાને પહેલા ત્યાં ઉભા રહીને પ્રાર્થના કરી હતી, ત્યાર બાદ માસ્ક નીચે ઉતારીને ઝૂકીને પાર્થિવ શરીર પર ફૂંક મારી હતી. આ પછી, હાથ જોડીને અને શરીરની પરિક્રમા કર્યા પછી શાહરૂખ ખાન તેની મેનેજર પૂજા દદલાની સાથે સ્ટેજ પરથી નીચે ઉતર્યો હતો.
What’s the obsession of M with spitting?
Was Srk spitting ! pic.twitter.com/DXSXjQd57j
— Hardik (@Humor_Silly) February 6, 2022
શાહરૂખની આ રીત પર ઘણા લોકોએ સવાલ ઉઠાવ્યા છે. લોકો તેને કહી રહ્યા હતા કે તેણે થૂંક્યુ છે, પરંતુ આવુ ખરેખર થયુ ન હતુ, શાહરૂખ ખાને ફૂંક મારી હતી જેને લોકોએ કંઇક બીજુ જ સમજી લીધુ.લત્તા મંગેશકરની વાત કરીએ તો, તેમણે 92 વર્ષની વયે અંતિમ શ્વાસ લીધા હતા. તે 8 જાન્યુઆરીથી મુંબઈની બ્રીચ કેન્ડી હોસ્પિટલમાં દાખલ હતા..લતાજીની દુઃખદ અવસાનથી આખા દેશમાં શોકનો માહોલ છે. બોલીવુડથી લઈને નેતા સુધીના ઘણા દિગ્ગજોએ તેમને શ્રદ્ધાંજલિ પાઠવી છે. પહેલા લતા મંગેશકરનો નશ્વર દેહ બ્રીચ કેન્ડી હોસ્પિટલથી તેમના પેડર રોડ સ્થિત નિવાસસ્થાન ‘પ્રભુકુંજ’ ખાતે લઈ જવામાં આવ્યો હતો.
View this post on Instagram
લતા દીદી અમને છોડીને ચાલ્યા ગયા. લતા દીદીના નિધનથી દેશમાં એક ખાલીપો સર્જાયો છે જે ક્યારેય ભરી શકાય તેમ નથી. આવનારી પેઢીઓ લતા મંગેશકરને હંમેશા યાદ કરશે કે કેવા મહાન કલાકાર હતા, જેમના અવાજમાં લોકોના મન મોહી લેવાની શક્તિ હતી. 2019માં જયારે બીજી વાર PM મોદીની સરકાર બની હતી, ત્યારે ખુશી વ્યક્ત કરવા માટે લતા મંગેશકરે માતા હીરાબાને પત્ર લખ્યો હતો. જેમાં નરેન્દ્ર મોદી PM બનતા લતાજીએ ખુશી વ્યક્ત કરી હતી.