મૌની રોય તેના લોન્ગ ટાઇમ બોયફ્રેન્ડ સૂરજ નાંબિયાર સાથે બંધાઇ લગ્નના બંધનમાં, લગ્નના જોડામાં લાગી એટલી ખૂબસુરત કે…

ટીવીની સૌથી સુંદર અભિનેત્રીઓમાંની એક અને ટીવીની ‘નાગિન’ મૌની રોયને દુલ્હનના ગેટઅપમાં જોનારાઓની રાહ હવે પૂરી થઈ ગઈ છે. મૌનીના લગ્નની કેટલીક તસવીરો સામે આવી છે. દક્ષિણ ભારતીય દુલ્હન બનેલી મૌની રોય તેના ખાસ દિવસે ખૂબ જ સુંદર લાગી રહી છે. મૌની અને સૂરજને દુલ્હા અને દુલ્હનના લુકમાં જોવા એ કોઈ ટ્રીટથી ઓછું નથી. મૌની રોય અને સૂરજના સાઉથ ઈન્ડિયન વેડિંગ છે. કારણ કે સૂરજ દક્ષિણ ભારતીય છે, તેથી તેની સંસ્કૃતિને માન આપીને, લગ્ન મલયાલી વિધિ મુજબ થયા હતા.

દક્ષિણ ભારતીય દુલ્હન બનેલી મૌની રોયની સાદગી તસ્વીરોમાં સ્પષ્ટ દેખાય છે. સિમ્પલ લુકમાં પણ મૌની અદભૂત લાગી રહી હતી. મૌનીએ સફેદ રંગની સુંદર લાલ બોર્ડરવાળી સાડી પહેરી છે. મૌનીએ ગોલ્ડન જ્વેલરી સાથે તેનો બ્રાઈડ લુક પૂરો કર્યો છે. માંગ ટીકા, કપાળ પર પટ્ટી, કાનની બુટ્ટી, ચોકર સેટ, અને કમરબંધ સાથે મૌનીએ પોતાનો વેડિંગ લુક પૂરો કર્યો છે. માથાથી લઇને પગ સુધી મૌની રોય ગોલ્ડન જ્વેલરીમાં જોવા મળી રહી છે.

મૌનીએ મિનિમલ મેક-અપ અને બિંદી સાથે લુક સિમ્પલ રાખ્યો હતો. લગ્નના મંડપમાંથી મૌની અને સૂરજની ઘણી તસવીરો અને વીડિયો વાયરલ થયા છે. લગ્નની વિધિઓ કરતી વખતે આ કપલ એકસાથે પરફેક્ટ લાગી રહ્યા છે. સૂરજે તેના લગ્નના દિવસે ગોલ્ડન કલરનો કુર્તો અને સફેદ પાયજામા પહેર્યો છે. સૂરજ અને મૌનીની જોડી શાનદાર લાગી રહી છે. મૌની રોયની હલ્દી અને સંગીતના કાર્યક્રમો પણ ધામધૂમથી ઉજવવામાં આવ્યા હતા. મૌની રોય પ્રી-વેડિંગ ફંક્શનમાં પણ અદભૂત દેખાતી હતી.

મૌની 27મી જાન્યુઆરીએ એટલે કે આજે તે સૂરજ નામ્બિયારની દુલ્હન બની છે. લગ્ન પહેલાના ફંક્શનનો, મૌનીએ સૂરજ સાથે એક રોમેન્ટિક ફોટો શેર કર્યો હતો, જે ખૂબ વાયરલ થયો હતો. ફોટોમાં, મૌની લાલ રંગનો સૂટ પહેરેલી જોવા મળે છે. મૌની ખૂબ જ પ્રેમભરી નજરે સૂરજને જોઈ રહી છે. સૂરજના ચહેરા પર પણ લગ્નની ખુશી અને ચમક સ્પષ્ટ દેખાય છે. આ કપલ વચ્ચેનો પ્રેમ અને રોમેન્ટિક કેમિસ્ટ્રી ચાહકોને પસંદ આવી રહી છે.

ચાહકો મૌનીને તેના જીવનની નવી શરૂઆત માટે ઘણો પ્રેમ અને અભિનંદન આપી રહ્યા છે. મૌનીના લુકની વાત કરીએ તો તે હંમેશાની જેમ સુંદર લાગી રહી છે. લાલ સૂટમાં મૌની રોયનો ટ્રેડિશનલ લુક જોવા મળ્યો હતો. મૌનીએ તેના સૂટ સાથે ગોલ્ડન ઈયરિંગ્સ પહેરી હતી, જે તેના પર ખૂબ જ સુંદર લાગી રહી હતી. ત્યાં, મૌનીનો પાર્ટનર સૂરજ સફેદ કુર્તા પાયજામામાં એકદમ હેન્ડસમ લાગી રહ્યો હતો. ફોટામાં બંનેની જોડીને જોઈને દરેક લોકો આ જ રીતે ખુશ રહે તેવી પ્રાર્થના કરી રહ્યા છે.

મૌની ગોવામાં લગ્ન કરી રહી છે. અભિનેત્રીના લગ્ન પહેલાના ફંક્શનના વીડિયો અને ફોટા સોશિયલ મીડિયા પ્લેટફોર્મ પર છવાયેલા છે. મૌની તેના હલ્દી ફંક્શનમાં બોયફ્રેન્ડ સૂરજ સાથે ડાન્સ કરતી જોવા મળી હતી. પીળા લહેંગા અને બેકલેસ ચોલીમાં મૌનીનો હલ્દીનો લુક એકદમ ગ્લેમરસ હતો.

disabled