બોલિવુડ અભિનેતાનું નિધન, સલમાન-હ્રતિક સહિત અનેક મોટા અભિનેતા સાથે કર્યો હતો રોલ
હિન્દી સિનેમામાંથી એક દુઃખદ સમાચાર સામે આવી રહ્યા છે. મળતી માહિતી મુજબ બોલિવૂડના જાણીતા અભિનેતા મિથિલેશ ચતુર્વેદીનું નિધન થયું છે. તેમનું નિધન હૃદય સંબંધિત બિમારીના કારણે થયું હતું અને તેમણે 3 ઓગસ્ટની સાંજે લખનઉમાં અંતિમ શ્વાસ લીધા હતા. અહેવાલો અનુસાર, તેમને હાર્ટ એટેક આવ્યો હતો, જે પછી તેમને સારવાર માટે તેમના વતન ખસેડવામાં આવ્યા હતા. આ વાતની પુષ્ટિ તેમના જમાઈ આશિષ ચતુર્વેદીએ સોશિયલ મીડિયા પર કરી છે. મિથિલેશના નિધન સમાચાર બાદ ફિલ્મ ઈન્ડસ્ટ્રીમાં શોકનું મોજુ ફરી વળ્યું છે.
મિથિલેશ ચતુર્વેદી સાથે કામ કરી ચૂકેલા ડિરેક્ટર જયદીપ સેને નવભારત ટાઈમ્સ ઓનલાઈન સાથેની વાતચીતમાં જણાવ્યું કે મિથિલેશ ચતુર્વેદીને થોડા દિવસ પહેલા હાર્ટ એટેક આવ્યો હતો. તેથી તે સ્વસ્થ થવા માટે વતન લખનઉ ગયા હતા. 3 ઓગસ્ટની રાત્રે તેમનું અવસાન થયું. તેમણે કહ્યુ- મિથિલેશ જી સાથે મારો ખૂબ જ ગાઢ સંબંધ હતો. મને તેમની સાથે ‘કોઈ મિલ ગયા’ અને ‘ક્રેઝી 4’માં કામ કરવાનો લહાવો મળ્યો.
‘ક્રેઝી 4’ ડિરેક્ટર તરીકે મારી પહેલી ફિલ્મ હતી. જ્યારે તમે કોઈને આટલા નજીકથી જાણો છો ત્યારે દુઃખ થાય છે. તેમની સાથે કામ કર્યું છે. તેમની કુશળતા અને તેમની પ્રતિભાનો નજીકથી ઉપયોગ કરવામાં આવ્યો છે.આવા સારા માણસો જ્યારે દુનિયા છોડીને જાય છે ત્યારે ઘણું દુઃખ થાય છે. જયદીપ સેને વધુમાં જણાવ્યું કે મિથિલેશ ચતુર્વેદીને ‘કોઈ મિલ ગયા’માં કેવી રીતે કાસ્ટ કરવામાં આવ્યા હતા.
મિથિલેશ ચતુર્વેદીએ પોતાની કારકિર્દીમાં ઘણી મોટી અને સારી બોલિવૂડ ફિલ્મોમાં કામ કર્યું. તે સની દેઓલની ‘ગદરઃ એક પ્રેમ કથા’, મનોજ બાજપેયીની ‘સત્યા’, શાહરૂખ ખાનની ‘અશોકા’ સહિત ‘તાલ’, ‘બંટી ઔર બબલી’, ‘ક્રિશ’ અને ‘રેડી’માં જોવા મળ્યા હતા.પરંતુ ફિલ્મ ‘કોઈ મિલ ગયા’માં તેમનું કામ સૌથી વધુ લોકપ્રિય હતું. અહેવાલ છે કે મિથિલેશ ચતુર્વેદીએ થોડા સમય પહેલા ટલ્લી જોડી નામની વેબ સિરીઝમાં કામ મળ્યું હતું. આ સિરીઝમાં તેની સાથે માનિની દે જોવા મળવાની હતી. બોલિવૂડ ફિલ્મોની સાથે મિથિલેશે થિયેટરમાં પણ કામ કર્યું હતું.
રંગભૂમિમાં તેમના યોગદાનની પણ ખૂબ પ્રશંસા કરવામાં આવી છે. મિથિલેશ ચતુર્વેદીની અભિનય કારકિર્દી વિશે વાત કરીએ તો, તેમણે ઘણી બોલિવૂડ ફિલ્મોમાં અને પ્રખ્યાત કલાકારો સાથે કામ કર્યું હતું. તેમણે વેબ સિરીઝ સ્કેમ 1992: ધ હંસલ મહેતા સ્ટોરીમાં પણ કામ કર્યું હતું. તેમણે વર્ષ 1997માં ફિલ્મ ‘ભાઈ ભાઈ’થી બોલિવૂડમાં એન્ટ્રી કરી હતી. મિથિલેશ ચતુર્વેદી હાલમાં બંછડા નામની ફિલ્મમાં કામ કરી રહ્યા હતા.