બોલિવૂડ અભિનેત્રી સુષ્મિતા સેન ફરી એકવાર પોતાની લવ લાઈફને કારણે ચર્ચામાં આવી છે. સુષ્મિતા સેન છેલ્લા કેટલાક સમયથી રોહમન શૉલ સાથેના બ્રેકઅપને લઈને ચર્ચામાં હતી. રોહમન સાથેના બ્રેકઅપ બાદ હવે સુષ્મિતા લલિત કુમાર મોદીને ડેટ કરી રહી છે. લલિત મોદીએ પોતે માહિતી આપી છે કે તે અને સુષ્મિતા એકબીજાને ડેટ કરી રહ્યા છે.
લલિતે પોતાના ટ્વિટર એકાઉન્ટ પર બે ટ્વિટ કર્યા છે. પહેલા ટ્વીટમાં લલિતે સુષ્મિતાને ‘બેટર હાફ’ ગણાવતા એક સુંદર કેપ્શન લખ્યુ હતું, જેના પછી લોકો અનુમાન લગાવવા લાગ્યા કે બંનેએ લગ્ન કરી લીધા છે. પહેલા ટ્વીટમાં લલિતે લખ્યું હતું કે, ‘પરિવાર સાથે માલદીવ, સારડિનિયા ટૂર પૂરી કરીને લંડન પરત.
મારી બેટર હાફ સુષ્મિતા સેન સાથે નવી શરૂઆત..છેવટે એક નવું જીવન. આજે હું ચંદ્ર પર છું. લલિતનું આ ટ્વીટ સોશિયલ મીડિયા પર આગની જેમ વાયરલ થયું અને લોકોએ માની લીધું કે બંનેએ લગ્ન કરી લીધા છે. જો કે આ ટ્વીટ બાદ લલિતે પોતાના ઓફિશિયલ ટ્વિટર પર અન્ય એક ટ્વિટમાં સ્પષ્ટતા કરી હતી કે તેણે લગ્ન કર્યા નથી પરંતુ બંને એકબીજાને ડેટ કરી રહ્યાં છે.
Just back in london after a whirling global tour #maldives # sardinia with the families – not to mention my #betterhalf @sushmitasen47 – a new beginning a new life finally. Over the moon. 🥰😘😍😍🥰💕💞💖💘💓 pic.twitter.com/Vvks5afTfz
— Lalit Kumar Modi (@LalitKModi) July 14, 2022
લલિત મોદીએ તેના આગામી ટ્વીટમાં સ્પષ્ટ કર્યું કે બંનેએ લગ્ન કર્યા નથી, પરંતુ એકબીજાને ડેટ કરી રહ્યા છે. લલિત મોદીએ લખ્યું, ‘હું સ્પષ્ટ કરવા માંગુ છું કે લગ્ન કર્યા નથી… માત્ર એકબીજાને ડેટ કરી રહ્યા છીએ. એક દિવસ આવું પણ થશે.લલિત મોદી પહેલા સુષ્મિતા સેન રોહમન શોલને ડેટ કરતી હતી.
Just for clarity. Not married – just dating each other. That too it will happen one day. 🙏🏾🙏🏾🙏🏾🙏🏾 pic.twitter.com/Rx6ze6lrhE
— Lalit Kumar Modi (@LalitKModi) July 14, 2022
જોકે સુષ્મિતાએ થોડા મહિના પહેલા તેના ઈન્સ્ટાગ્રામ પર જાહેરાત કરી હતી કે બંનેનું બ્રેકઅપ થઈ ગયું છે. સુષ્મિતા અને રોહમનના બ્રેકઅપના કારણે ચાહકોના દિલ પણ તૂટી ગયા હતા. લલિત મોદી IPLના પ્રથમ અધ્યક્ષ છે અને લગભગ ત્રણ વર્ષ સુધી તેઓ IPL કમિશનરનું પદ સંભાળતા હતા. તેણે ચેમ્પિયન્સ લીગ T20ના અધ્યક્ષ તરીકે પણ સેવા આપી હતી. લલિત મોદી લગભગ પાંચ વર્ષ સુધી BCCIના ઉપાધ્યક્ષ રહ્યા હતા. તેઓ રાજસ્થાન ક્રિકેટ એસોસિએશનના પ્રમુખ પદ પર પણ રહી ચૂક્યા છે.