બિગ બોસ ઓટિટિ બાદ ઈન્ટરનેટ સેન્સેશન બની ચુકેલી ઉર્ફી જાવેદ તેની લેટેસ્ટ ફેશન પસંદગીઓ માટે સતત ચર્ચામાં રહે છે . ઉર્ફીએ તાજેતરમાં એક વીડિયો શેર કર્યો હતો, જેમાં તે ટોપલે બેઠી હતી અને તેના શરીરને ટેકો આપવા માટે બે હાથનો ઉપયોગ કરવામાં આવ્યો હતો. એવું કહેવામાં આવ્યું હતું કે તે હાથ તેના ડિઝાઇનરના છે. જ્યાં સોશિયલ મીડિયા યુઝર્સ ઉર્ફીને તેની ફેશનને લઈને ટ્રોલ કરે છે, ત્યાં આવા ઘણા કલાકારો અને પ્રખ્યાત લોકોએ પણ તેને ખરી ખોટી સંભળાવી છે.
બિગ બોસ ફેમ હિંદુસ્તાની ભાઉએ તેના કપડાં માટે ઉર્ફીની ટીકા કરી છે. ઉર્ફી હંમેશા તેને ટ્રોલ કરનારાઓને જડબાતોડ જવાબ આપતી રહી છે. ત્યારે હવે હિન્દુસ્તાની ભાઉની ધમકી ઉપર પણ ઉર્ફીએ હિન્દુસ્તાની ભાઉને જેલમાં મોકલવાની ધમકી પણ આપી છે. હિન્દુસ્તાની ભાઉએ ઉર્ફી માટે વીડિયો સંદેશ આપ્યો હતો. જે ખુબ જ વાયરલ થયો હતો.
આ સંદેશમાં હિન્દુસ્તાની ભાઉએ કહહ્યું હતું કે “જય હિન્દ, આ સંદેશ ઉર્ફે જાવેદ માટે છે, જે આજે પોતાને એક મોટો ફેશન આઇકોન માને છે. બેટા, તું બહાર કપડાં પહેરીને ફરે છે, ફેશનના નામે આ ભારતનો રિવાજ નથી, આપણી સંસ્કૃતિ નથી. તારા કારણે તમારી બહેન-દીકરીઓમાં ખૂબ જ ખોટો સંદેશો જાય છે, તો સુધરી જા બેટા નહિ તો હું તને સુધારી દઈશ. એક ભાઈની રીતે હું તને પ્રેમથી સમજાવું છું તો સુધરી જજે.”
ત્યારે હંમેશની જેમ આ વખતે પણ ઉર્ફીએ સૌપ્રથમ ભાઉનો તે વીડિયો તેના ઈન્સ્ટાગ્રામ પર શેર કર્યો અને પછી તેને યોગ્ય જવાબ આપ્યો. ઉર્ફીએ તેની ઇન્સ્ટાગ્રામ સ્ટોરી પર લખ્યું, “તમે જે દુર્વ્યવહાર આપો છો તે ભારતની સંસ્કૃતિ છે, તમારી દુર્વ્યવહારથી કેટલા લોકો સુધર્યા છે. હું કેવી રીતે સુધારવું તે જાણતી નથી, હું એ પણ જાણું છું કે કેવી રીતે બગાડવું. હવે જ્યારે તમે મને ખુલ્લેઆમ ધમકી આપી છે, તો શું તમે જાણો છો કે હું તમને જેલના સળિયા પાછળ મોકલી શકું છું. પરંતુ રાહ જુઓ, તમે ત્યાં ઘણી વખત આવ્યા છો. “