‘સસુરાલ સિમર કા’ અભિનેત્રી દીપિકા કક્કર વિશે તમે બધા જાણતા જ હશો કે તેણે શોએબ ઈબ્રાહિમ સાથે લગ્ન કર્યા બાદ ઈસ્લામ કબૂલ કર્યો હતો. લગ્ન બાદ દીપિકા ભાગ્યે જ ટીવી શોમાં જોવા મળે છે. તે યુટ્યુબ પર તેના વ્લોગ દ્વારા ચાહકો સાથે જોડાયેલી રહે છે પરંતુ ત્યાં પણ તે રસોડામાં કામ કરવા અને દિવસ દરમિયાન સ્ક્રીન પર રહેવા માટે ટ્રોલ થાય છે. હવે દીપિકા ફરી એકવાર સોશિયલ મીડિયા પર ટ્રોલ થઈ રહી છે. જો કે આ ટ્રોલથી દીપિકાને બહુ ફરક પડતો નથી.
હાલમાં જ દીપિકા તેના પતિ શોએબ સાથે અજમેર શરીફની દરગાહ પહોંચી હતી. શોએબે અહીં ઈન્સ્ટાગ્રામ પર તસવીરો શેર કરી છે જેમાં દીપિકાનું શરીર સંપૂર્ણપણે ઢંકાયેલું જોવા મળે છે. તેમની તસવીરો સોશિયલ મીડિયા પર જોરદાર વાયરલ થઈ રહી છે. કેટલાક લોકો આ બંનેને દુઆ કરી રહ્યા છે તો કેટલાક લોકોએ દીપિકાના આ રીતે દરગાહમાં જવા સામે વાંધો ઉઠાવ્યો છે.
એક યુઝરે લખ્યું, “જેમ કે આપણે જાણીએ છીએ કે દીપિકાએ ઈસ્લામ કબૂલ કરી લીધો છે. તે શોએબ માટે બધું જ કરે છે પણ શોએબ ક્યારેય દીપિકા માટે મંદિરે કેમ નથી જતો.. તમે બંને એકસાથે ખૂબ જ ક્યૂટ લાગો છો અને અમે તમને પ્રેમ કરીએ છીએ.. પણ શોએબ તમે પણ દીપિકા સાથે મંદિર જાવ. ખૂબ જ ખુશ થશો. એક યુઝરે લખ્યું છે કે, હિન્દુ છોકરીઓનું બ્રેઈનવોશ કરવું કેટલું સરળ છે.
અન્ય એક યુઝરે લખ્યું છે કે, શું તમે શોએબને મંદિર લઈ ગયા છો? પોતાને સંપૂર્ણપણે મઝહબમાં બદલાઈ ગયો છે. આ લોકો સારી રીતે જાણે છે કે કોઈનો ધર્મ કેવી રીતે બદલવો. જો કે આ તસવીરોમાં કેટલાક યુઝર્સ એવા છે જેમણે બંનેના વખાણ કર્યા છે. સોશિયલ મીડિયા ટ્રોલ્સને કોઈપણ રીતે બહાનું જોઈએ છે.
શોએબે સફેદ કુર્તા પાયજામ પહેર્યો હતો. જ્યારે દીપિકા કક્કર સફેદ સૂટમાં જોવા મળી હતી. બંનેએ માસ્ક પહેર્યું હતું. શોએબે કુર્તા સાથે ગ્રે કલરનું જેકેટ પહેર્યું છે અને દીપિકાએ શાલ ઓઢેલી હતી. અજમેર શરીફ દરગાહ પર કપલ શેની મન્નત માંગવા ગયા હતા તે જાણી શકાયું નથી. કદાચ તેઓ તેમના આગામી પ્રોજેક્ટ માટે પ્રાર્થના કરવા ગયા હોય.
તેમનો મ્યુઝિક વીડિયો પણ 13 જાન્યુઆરીએ રિલીઝ થઈ રહ્યું છે. જેનું પોસ્ટર દંપતીએ ઈન્સ્ટા પર શેર કર્યું હતું. ગીતનું નામ છે – જીયે તો જીયે કૈસે 2.0. આ ગીત સ્ટેબીન બેને ગાયું છે. દીપિકા અને શોએબને ફરીથી સાથે કામ કરતા જોવા માટે તેના ચાહકો ખૂબ જ ઉત્સાહિત છે. આ ગીતનું શૂટિંગ શિમલામાં થયું છે.
ટીવી સિરિયલ ‘સસુરાલ સિમર કા’ ઉપરાંત દીપિકા અગલે જન્મ મોહે બિટિયા હી કીજો, કયામત કી રાત અને કહાં હમ કહાં તુમમાં પણ જોવા મળી હતી. આ પછી તેણે બોલિવૂડ ફિલ્મ ‘પલટન’માં પણ કામ કર્યું છે. દીપિકા સલમાન ખાનના રિયાલિટી શો બિગબોસ 12ની વિજેતા રહી ચૂકી છે. દીપિકા કક્કરે વર્ષ 2018માં ટીવી અભિનેતા શોએબ ઈબ્રાહિમ સાથે લગ્ન કર્યા હતા. લગ્ન સમયે દીપિકાએ ઈસ્લામ અપનાવ્યો હતો.
દીપિકાના લગ્ન સમયે તેના ધર્મ પરિવર્તનની વાત છુપાવવામાં આવી હતી પરંતુ બાદમાં જ્યારે આ સમાચાર મીડિયામાં આવ્યા તો દીપિકાએ પોતે આગળ આવીને આ વાત સ્વીકારી લીધી હતી. જો કે આ પછી પણ દીપિકાને ઘણી ટ્રોલ કરવામાં આવી હતી. લગ્ન દરમ્યાન દીપિકાએ પોતાનું નામ બદલીને ફૈઝા રાખી લીધું હતું.
View this post on Instagram