ટીમ ઈન્ડિયાના સ્પિનર યુજી ચહલ હાલમાં T20 વર્લ્ડ કપ 2022 માટે ઓસ્ટ્રેલિયામાં છે, જ્યારે આ ખેલાડીની સાથે તેની પત્ની એટલે કે ધનશ્રી વર્મા પણ છે. જ્યાં આ કપલ્સ સોશિયલ મીડિયા પર ખૂબ જ ક્યૂટ તસવીરો પણ અપલોડ કરી રહ્યાં છે અને આ વખતે પણ કંઈક આવું જ જોવા મળ્યું, જેને ફેન્સ પણ ખૂબ પસંદ કરી રહ્યાં છે.
ટીમ ઈન્ડિયાના સ્પિન બોલર યુજી ચહલ અને તેની પત્ની ધનશ્રી વર્મા સોશિયલ મીડિયા પર ખાસ કરીને ઈન્સ્ટાગ્રામ પર ખૂબ જ એક્ટિવ છે અને તેમના ફની રીલ્સના વીડિયો એટલા વાયરલ થાય છે કે તેમને લાખો લાઈક્સ મળે છે.
યુજી ચહલ પોતાની પત્ની સાથેની તસવીરો સોશિયલ મીડિયા પર શેર કરતો રહે છે. આ ક્રમમાં કપલની કેટલીક તસવીરો સામે આવી છે. સ્પિનર તેની પત્ની સાથે ઓસ્ટ્રેલિયામાં આરામથી ફરે છે. પાકિસ્તાન સામેની પહેલી મેચમાં ચહલને ટીમમાં સ્થાન નહોતું મળ્યું, જેના બાદ ગઈકાલે નેધરલેન્ડ સામેની મેચમાં પણ આ ખેલાડીની પસંદગી કરવામાં આવી નહોતી.
ધનશ્રીએ પતિ યુઝવેન્દ્ર ચહલ સાથે સિડનીના ફેમસ ઓપેરા હાઉસની પણ મુલાકાત લીધી હતી. પોતાના ઈન્સ્ટાગ્રામ પર ફોટો શેર કરતા તેણે લખ્યું, ‘લોકોએ કહ્યું કે તેઓએ સિડની ઓપેરા હાઉસ જવું જોઈએ. આભાર સૂર્યા ભાઈ, મારો ફોટો પણ લીધો.”
ધનશ્રી વર્મા વ્યવસાયે કોરિયોગ્રાફર અને ડેન્ટિસ્ટ છે. તેણીની પોતાની યુટ્યુબ ચેનલ પણ છે જેના પર તે બોલીવુડની હિટ ફિલ્મોના ગીતો રીક્રીએટ કરે છે. આ જ કારણ છે કે તેની યુટ્યુબ ચેનલના 26 લાખથી વધુ સબસ્ક્રાઈબર્સ છે.