મુંબઈ ક્રાઈમ બ્રાન્ચ યુનિટ 11એ સોમવારે મોટી સફળતા હાંસલ કરતા ફિલ્મ ઈન્ડસ્ટ્રીમાં ચાલતા સેખ્સ રેકેટનો પર્દાફાશ કર્યો છે. મુંબઈ ક્રાઈમ બ્રાન્ચના જણાવ્યા અનુસાર, આ વેશ્યાવૃત્તિ રેકેટ કથિત રીતે કાસ્ટિંગ ડિરેક્ટર આરતી મિત્તલ ચલાવી રહી હતી. પોલીસે આરતીની ધરપકડ કરીને મામલાની તપાસ શરૂ કરી છે. ક્રાઈમ બ્રાન્ચની ટીમે ગોરેગાંવના એક સ્થળેથી બે મોડલને પણ બચાવી લીધી છે.
મોડલ્સે પોલીસને જણાવ્યું કે આરતીએ તેમને 15,000 રૂપિયા આપવાનું વચન આપ્યું હતું. પોલીસે ડમી ગ્રાહકોને હોટલમાં મોકલ્યા હતા અને આ રીતે તેમણે રેકેટનો પર્દાફાશ કર્યો હતો અને આરોપી આરતી મિત્તલની ધરપકડ કરી હતી. અધિકારીઓના જણાવ્યા અનુસાર આ રેકેટની માહિતી પોલીસ ઈન્સ્પેક્ટર મનોજ સુતારને મળી હતી.
આ પછી એક ટીમ બનાવવામાં આવી અને આયોજનના ભાગરૂપે ડમી ગ્રાહકે મિત્તલનો સંપર્ક કર્યો અને તેને તેના મિત્રો માટે બે છોકરીઓની વ્યવસ્થા કરવા કહ્યું. આ કામ માટે મિત્તલે 60 હજાર રૂપિયાની માંગણી કરી હતી. પોલીસે માહિતી આપી હતી કે આરતીની ધરપકડ ત્યારે કરવામાં આવી હતી જ્યારે તે વિવિધ પ્રોજેક્ટ્સ દરમિયાન વેશ્યાવૃત્તિમાં જોડાવા માટે તેમને સારા પૈસાની ઓફર કરતી હતી.
કાસ્ટિંગ ડિરેક્ટર હોવા ઉપરાંત, આરતી એક અભિનેત્રી પણ છે. તેણે ‘અપનાપન’ જેવા ટેલિવિઝન શોમાં પણ કામ કર્યું છે. થોડા સમય પહેલા આરતીએ સોશિયલ મીડિયા પર પોસ્ટ કર્યું હતું કે તે આર માધવન સાથે એક ફિલ્મનું શૂટિંગ કરી રહી છે. હાલ આરતી પોલીસની કસ્ટડીમાં છે. પોલીસે આ રેકેટ સાથે સંકળાયેલા અન્ય લોકોની પણ શોધ શરૂ કરી છે.
Maharshtra | Mumbai Crime Branch Unit 11, Dindoshi police busted a sex racket running in Goregaon area. Two models were rescued from the spot and a 30-year-old casting director, Aarti Mittal was arrested in this case: Mumbai Crime Branch
— ANI (@ANI) April 17, 2023