બોલિવૂડની જાણીતી અભિનેત્રી સાથે હાલમાં જ જોરદાર ચૂનો લાગ્યો છે. અભિનેત્રી સાથે રોકાણના નામે 4 કરોડથી વધારેની છેતરપિંડીનો આરોપ છે. આ સમાચાર સામે આવ્યા બાદ બધા ચોંકી ગયા છે. આ છેતરપિંડી બાદ અભિનેત્રીએ પોલીસમાં ફરિયાદ નોંધાવી છે અને ખાર પોલીસે પણ આરોપીને પકડવા માટે શોધખોળ શરૂ કરી છે. પોલીસે આઈપીસીની કલમ 420 અને 409 હેઠળ કેસ નોંધીને આરોપીની શોધખોળ શરૂ કરી છે. તેની લેખિત ફરિયાદમાં અભિનેત્રીએ જણાવ્યું છે કે ત્રણ વર્ષ પહેલા અંધેરીના એક જીમમાં હું ગોરેગાંવના રહેવાસી રૌનક જતીનને મળી હતી.
થોડા દિવસો પછી અમે બંને મિત્રો બની ગયા. જતિને જણાવ્યું હતું કે તે એક બિઝનેસમેન છે અને તેણે LED લાઇટની નવી કંપની ખોલી છે. ત્યારબાદ તેણે મને કંપનીમાં 40 ટકા વળતર માટે રોકાણ કરવાનો પ્રસ્તાવ મૂક્યો. જ્યારે મેં રોકાણ કરવાનું નક્કી કર્યું, ત્યારે તેણે એક કરાર કર્યો. જ્યારે રોકાણની સમયમર્યાદા સમાપ્ત થઈ ગઈ, ત્યારે મેં જતીનને મારા નફા માટે પૂછ્યું, પરંતુ જતિને મારા ફોન ઉપાડવાનું બંધ કરી દીધું. તપાસ બાદ જાણવા મળ્યું કે જતિને આવી કોઈ કંપની શરૂ કરી નથી. ત્યારે મને ખબર પડી કે મારી સાથે છેતરપિંડી થઈ છે.
તપાસ પછી, ખાર પોલીસે જતીન સામે IPCની વિવિધ કલમો હેઠળ કેસ નોંધ્યો છે, જેમાં 406 – વિશ્વાસના ગુનાહિત ભંગ બદલ સજા અને 420 – છેતરપિંડી અને મિલકતની અપ્રમાણિક ડિલિવરી માટે ઉશ્કેરણીનો સમાવેશ થાય છે. ખાર પોલીસ સ્ટેશન ઓફિસરનું કહેવું છે કે “અમે ફરિયાદ નોંધી છે અને આરોપીને શોધી રહ્યા છીએ.” તમને જણાવી દઈએ કે રિમી સેન એક એક્ટર-પ્રોડ્યુસર છે, જેણે ‘હંગામા’, ‘બાગબાન’, ‘ધૂમ’ સહિત કેટલીક ફિલ્મોમાં કામ કર્યું છે. તે આ ઉપરાંત ‘ગરમ મસાલા’, ‘ફિર હેરા ફેરી’ અને ‘ગોલમાલ’ જેવી હિન્દી, તેલુગુ અને બંગાળી ફિલ્મોમાં જોવા મળી છે.
અભિનેત્રીએ 2015માં રિયાલિટી ટેલિવિઝન શો બિગબોસમાં પણ ભાગ લીધો હતો. તે બિગબોસની સિઝન 9માં જોવા મળી હતી. તેણે આ શો વિશે એક રસપ્રદ ખુલાસો કર્યો છે. રિમી સેને કહ્યું હતું કે મને નથી લાગતું કે શોનો હિસ્સો બન્યા બાદ કોઈ અફસોસ હોય, કારણ કે મેકર્સે મને 50 દિવસ માટે 2.25 કરોડ રૂપિયાની ઓફર કરી હતી. તેની પાસે આટલા પૈસા ક્યાંથી આવશે? કોણ આપે છે?
Mumbai | Bollywood actress Rimi Sen has filed a police complaint against a Goregaon-based businessman named Raunak Jatin Vyas for allegedly duping her of Rs 4.14 cr in the name of investment. Case registered under IPC sections 420 & 409. Search on to nab the accused: Khar Police
— ANI (@ANI) March 31, 2022
પરંતુ બિગબોસના મેકર્સ ઘણા પ્રોફેશનલ છે. પૈસાની ચૂકવણીની બાબતમાં પણ એકદમ સ્વચ્છ છે. શોમાં જવાનો મારો પહેલો હેતુ પૈસા હતો. આ માટે હું સંમત હતી. કારણ કે આ શોએ મને મોટી રકમની ઓફર કરી હતી. આટલા ઓછા સમયમાં આટલા પૈસા કોઈ આપતું નથી.