અભિનેત્રી અમૃતા રાવ આમ તો લાંબા સમયથી ફિલ્મમાં જોવા મળી નથી. પરંતુ તેના સ્ટારડમમાં કોઇ કમી નથી આવી. આજે પણ તેના ચાહકો દુનિયાભરમાં છે. જેની સાથે તે સોશિયલ મીડિયાના માધ્યમથી જોડાયેલી રહે છે. ચાહકો પણ તેની પોસ્ટની આતુરતાથી રાહ જોતા હોય છે. અમૃતા રાવ ઇન્ડસ્ટ્રીમાં તેના સીધા અને સરળ રોલ માટે જાણીતી છે. દર્શકો પણ તેને તે જ પાત્રમાં જોવાનું પસંદ કરે છે. જો કે, આ વખતે અમૃતાનો અંદાજ બદલાયેલો લાગી રહ્યો છે. આ વખતે અમૃતાએ તેના પતિ આરજે અનમોલ સાથે એક તસવીર શેર કરી છે.
આ તસવીરમાં તે બંને ખૂબ જ સુંદર લાગી રહ્યા છે. આ તસવીર જોઇને ચાહકો હેરાન રહી ગયા છે. અભિનેત્રીએ હાલમાં જ તેના ઇન્સ્ટાગ્રામ એકાઉન્ટ પર તેની એક તસવીર શેર કરી, જેમાં તે આરજે અનમોલ સાથે જોવા મળી હતી. આ તસવીર અમૃતા અને અનમોલના હનીમુનની છે. જેને ચાહકો ઘણી જ પસંદ કરી રહ્યા છે. આ તસવીરમાં અભિનેત્રીએ શોર્ટ સ્ટ્રેપલેસ જંપસૂટ પહેરી રાખ્યો છે. ત્યાં અમૃતા રાવનો પતિ અનમોલ શર્ટ વગર જોવા મળી રહ્યો છે.
અમૃતાએ આ દરમિયાન તેના વાળને ખુલ્લા છોડી દીધા છે અને સનગ્લાસ લગાવ્યા છે. આ લુકમાં અભિનેત્રી ખૂબ જ બોલ્ડ લાગી રહી છે.આ ફોટો શેર કરીને અમૃતાએ પોતાના વ્લોગ વિશે માહિતી આપી છે. તેણે આ સાથે કેપ્શનમાં લખ્યું, ‘તાજેતરના એપિસોડમાં અમારા હનીમૂનની 50 અદ્રશ્ય તસવીરો.’ હવે ચાહકો અમૃતાના લુકના વખાણ કરી રહ્યા છે, સાથે જ લોકો પણ અનમોલની ફિટનેસ અને લુકથી મંત્રમુગ્ધ થઇ ગયા છે. નોંધનીય છે કે અમૃતા અને અનમોલે મે 2014માં ગુપ્ત રીતે લગ્ન કરી લીધા હતા.
લાંબા સમય સુધી તેમના લગ્ન વિશે કોઈ જાણતું ન હતું. થોડા સમય પહેલા, અભિનેત્રી એક પ્રિય પુત્રની માતા બની છે. અમૃતા અવારનવાર ઈન્સ્ટાગ્રામ પર અનમોલ સાથેના તેના ફોટા અને વીડિયો શેર કરતી રહે છે. અમૃતા રાવે તેના બોયફ્રેન્ડ આરજે અનમોલને લગભગ 7 વર્ષ સુધી ડેટ કર્યા બાદ વર્ષ 2016માં લગ્ન કર્યા હતા અને બંને લાંબા સમય સુધી ફેન્સથી દૂર રહ્યા હતા. તમને જણાવી દઈએ કે બંનેના પ્રેમની શરૂઆત ત્યારે થઈ જ્યારે અમૃતા પોતાની એક ફિલ્મના પ્રમોશન માટે અનમોલના રેડિયો શોમાં પહોંચી.
ત્યારબાદ બંને પ્રેમમાં પડ્યા અને વર્ષ 2016માં તેઓએ લગ્નની જાહેરાત કરી. આ પછી, વર્ષ 2020માં, તેમના ઘરે રાજકુમારનો જન્મ થયો, જેનું નામ તેઓએ વીર રાખ્યું. કપલ આ દિવસોમાં સોશિયલ મીડિયા દ્વારા તેમના અંગત જીવનને શેર કરી રહ્યું છે. અમૃતા રાવ અને આરજે અનમોલ તેમની યુટ્યુબ ચેનલ ‘કપલ ઓફ થિંગ્સ’ પર તેમના અંગત જીવન સાથે સંબંધિત વાર્તાઓ, વીડિયો અને ફોટા શેર કરતા રહે છે. તમને જણાવી દઈએ કે થોડા દિવસો પહેલા અભિનેત્રીએ તેના ઇન્સ્ટાગ્રામ હેન્ડલથી તેના લગ્નની એક તસવીર શેર કરી હતી, જેમાં તે તેના પતિ અનમોલ સાથે ખૂબ જ ખુશ દેખાઈ રહી છે.
આ ફોટોને કેપ્શન આપતા અભિનેત્રીએ લખ્યું હતું કે, “એપિસોડ – “વિવાહ”. બહાર આવે છે. આવી સ્થિતિમાં હવે બંનેએ તેમના હનીમૂનની કેટલીક આકર્ષક તસવીરો અને વીડિયો શેર કર્યા છે. આ વ્લોગમાં તેણે તેમના હનીમૂનના એક પછી એક ક્યૂટ પિક્ચર્સ અને વીડિયો ચાહકોને બતાવ્યા છે તેમજ કપલ આ તસવીરો બતાવે છે અને તેમના વિડીયો પણ તે વિશે જણાવતા દેખાય છે.
View this post on Instagram
અમૃતા અને અનમોલે ખુલાસો કર્યો હતો કે તેઓએ 15મે 2016ના રોજ નહીં પરંતુ વર્ષ 2014માં ગુપ્ત રીતે લગ્ન કર્યા હતા. આ અગાઉ 15 માર્ચ 2022ના રોજ અમૃતાએ અનમોલ સાથેના તેના ગુપ્ત લગ્નની પ્રથમ તસવીર પોસ્ટ કરી હતી. તસવીરમાં અમૃતા લાલ સાડીમાં ખૂબ જ સુંદર લાગી રહી છે. ત્યાં તેના પતિ અનમોલે સ્લીવલેસ જેકેટ સાથે પીળો કુર્તો પહેર્યો હતો. આ દરમિયાન અનમોલ અમૃતાને કિસ કરતો જોવા મળ્યો હતો.