બોલિવુડ અભિનેત્રી આલિયા ભટ્ટે 14 એપ્રિલે રણબીર કપૂર સાથે લગ્ન કર્યા હતા. કપલના લગ્નની તસવીરો અને વીડિયોએ સોશિયલ મીડિયા પર ઘણી હેડલાઈન્સ બનાવી હતી. લગ્ન પછી તરત જ આલિયા કામમાં વ્યસ્ત થઈ ગઈ છે. લગ્નના પાંચ દિવસ બાદ અભિનેત્રી ફિલ્મના શૂટિંગ માટે જેસલમેર ગઈ હતી અને હવે તે મુંબઈ પરત આવી ગઈ છે. આલિયા ભટ્ટ કાલીના એરપોર્ટ પર જોવા મળી હતી. આ દરમિયાન તેણે પાપારાઝી માટે પોઝ પણ આપ્યો હતો. આલિયાની તસવીરો હવે સોશિયલ મીડિયા પર ખૂબ વાયરલ થઈ રહી છે.
તસવીરોમાં આલિયા બ્લેક ટી-શર્ટ અને ડેનિમ જીન્સમાં જોવા મળી રહી છે. અભિનેત્રી મેકઅપ વગર પણ ખૂબ જ સુંદર લાગી રહી છે. આલિયાએ તેના લુકને ખુલ્લા વાળ સાથે કમ્પલિટ કર્યો છે. આ લુકમાં અભિનેત્રી ખૂબસૂરત લાગી રહી છે. અભિનેત્રી કેમેરાની સામે આકર્ષક અંદાજમાં પોઝ પણ આપી રહી છે. આ દરમિયાન એક વાત નોટિસ કરવા જેવી હતી કે આલિયાએ ન તો માંગમાં સિંદૂર ભર્યુ હતુ અને ન તો મંગળસૂત્ર પહેર્યું હતુ, આ ઉપરાંત તેણે હાથમાં બંગડીઓ પણ પહેરી ન હતી. એક્ટ્રેસનો લુક જોઈને એવું લાગી રહ્યુ ન હતુ કે તેણે નવા નવા લગ્ન કર્યા છે.
જો કે, તેમ છતાં, આલિયાની તસવીરો ચાહકો દ્વારા ખૂબ જ પસંદ કરવામાં આવી રહી છે. સોશિયલ મીડિયા પર આલિયાનો વીડિયો સામે આવ્યો છે જેમાં તે પેપરાજીને પોઝ આપવા માટે કહી રહી છે – હું ફક્ત તમારા માટે જ કરી રહી છું. આલિયાની આ વાતો સાંભળીને પેપરાજી ખુશ થઈ જાય છે અને તેનો આભાર માનતા જોવા મળે છે. તમને જણાવી દઈએ કે આલિયા ભટ્ટ હાલમાં જ ‘રોકી ઔર રાની કી પ્રેમ કહાની’ના શૂટિંગ માટે જેસલમેર પહોંચી હતી.
લગ્ન બાદ આલિયા જ્યારે પહેલીવાર ઘરની બહાર આવી ત્યારે આ પ્રસંગની ઘણી ઝલક સોશિયલ મીડિયા પર જોવા મળી હતી. રણબીર કપૂર પણ લગ્ન બાદથી તેની આગામી ફિલ્મના શૂટિંગમાં વ્યસ્ત છે. રણબીર કપૂર ફિલ્મ ‘એનિમલ’નું શૂટિંગ હિમાચલના મનાલીમાં રશ્મિકા મંદાના સાથે કરી રહ્યો છે. આ ફિલ્મના સેટ પરથી કેટલીક તસવીરો પણ ઓનલાઈન લીક થઈ હતી.
જેમાં રશ્મિકા રણબીર કપૂર સાથે જોવા મળી હતી અને બંને ટ્રેડિશનલ લુકમાં જોવા મળ્યા હતા. આલિયા ભટ્ટના વર્ક ફ્રન્ટની વાત કરીએ તો તાજેતરમાં જ રિલીઝ થયેલી તેની ફિલ્મ ‘ગંગુબાઈ કાઠિયાવાડી’ જબરદસ્ત હિટ સાબિત થઈ હતી. આ પછી આલિયા ભટ્ટ ‘રોકી અને રાની કી પ્રેમ કહાની’માં જોવા મળશે. આ ફિલ્મમાં રણવીર અને આલિયાની સાથે ધર્મેન્દ્ર, જયા બચ્ચન અને શબાના આઝમી પણ મહત્વના રોલમાં છે.
View this post on Instagram
કરણ જોહર પોતે ફિલ્મ ‘રોકી ઔર રાની કી પ્રેમ કહાની’નું નિર્દેશન કરી રહ્યો છે. એટલું જ નહીં આલિયા ભટ્ટ ફિલ્મ ‘બ્રહ્માસ્ત્ર’માં જોવા મળશે. આમાં તે પહેલીવાર પતિ રણબીર કપૂર સાથે સ્ક્રીન શેર કરતી જોવા મળશે. આ ફિલ્મનું નિર્દેશન અયાન મુખર્જીએ કર્યું છે અને આ ફિલ્મ 9 સપ્ટેમ્બરે સિનેમાઘરોમાં રિલીઝ થશે.