સામાન્ય રીતે જ્યારે જન્મદિવસ ઉજવવામાં આવે છે ત્યારે કેક કાપવામાં આવે છે ચારેય બાજુ કેટલાક ફુગ્ગાઓ જોવા મળે છે. પરંતુ જ્યારે ભારતીય સંસ્કૃતિ અને તેની વિશિષ્ટ ધાર્મિક વિધિઓની વાત આવે છે ત્યારે હિંદુ તહેવારોમાં ઘણીવાર આરતી, તિલક વગેરેનો સમાવેશ થાય છે. અને તેવું જ કંઈક એક કૂતરાના વાયરલ વીડિયોમાં જોવા મળ્યું જેનો જન્મદિવસ ઉજવવામાં આવી રહ્યો હતો.
આ વીડિયો તમારા ચહેરા પર સ્મિત લઈને આવશે. વીડિયોની શરૂઆત ખુરશી પર બેઠેલા સુંદર પાલતુ કૂતરાથી થાય છે. કૂતરાનું નામ ચીકુ છે અને તે લેબ્રાડોર અને ગોલ્ડન રીટ્રીવરનું મિશ્રણ છે. તેના ઇન્સ્ટાગ્રામ પેજ પર 18,500થી વધુ ફોલોઅર્સ છે જે ડોગને સમર્પિત છે. આ ખાસ ઈન્સ્ટાગ્રામ રીલ કૂતરાના જન્મદિવસ પર શેર કરવામાં આવી છે અને તેના માતા-પિતા ક્યૂટ ડોગની આરતી કરતા નજર આવી રહ્યા છે.
વાયરલ થઈ રહેલા વીડિયો દરમિયાન કૂતરો તેના કેટલાક મનપસંદ નાસ્તાનો સ્વાદ લેતો પણ જોઈ શકાય છે. વીડિયોમાં કૂતરો જે રૂમમાં બેઠો છે તે રૂમ પણ બતાવવામાં આવે છે જેને કેટલાક ફુગ્ગાઓ અને ગોલ્ડન તારથી શણગારવામાં આવે છે. કૂતરો તેના માણસો દ્વારા પ્રેમથી વહાલ કરતો જોવા મળે છે અને તેની સાથેના બંધનની આ સુંદર ક્ષણનો આનંદ માણી રહ્યો છે.
View this post on Instagram
આ વીડિયો 27 એપ્રિલના રોજ ઈન્સ્ટાગ્રામ પર પોસ્ટ કરવામાં આવ્યો હતો અને ત્યારથી લોકો તરફથી ઘણી કોમેન્ટ્સ મળી રહી છે. લોકો તેને ખૂબ જ પસંદ કરી રહ્યા છે. તેને અત્યાર સુધીમાં ત્રણ લાખથી વધુ વ્યૂઝ મળી ચૂક્યા છે. એક ઇન્સ્ટાગ્રામ યુઝરે લખ્યું, “તમને હજી વધુ ઘણા વર્ષો સારા સ્વાસ્થ્ય અને ખુશીની શુભેચ્છા, પ્રિય ચીકુ… ઘણો પ્રેમ.” અને અન્ય ઘણા ઇન્સ્ટાગ્રામ યુઝર્સે જન્મદિવસની શુભચ્છા આપી હતી. કુતરાના જન્મદિવસની ઉજવણીની બીજી રીલ તે જ દિવસે આ પેજ દ્વારા શેર કરવામાં આવી હતી અને તેને 3 મિલિયનથી વધુ વ્યૂઝ મળી ચુક્યા છે.