3 જાન્યુઆરીએ ઈરાનમાં ઈસ્લામિક રિવોલ્યુશનરી ગાર્ડના કમાન્ડર કાસિમ સુલેમાનીના મોતની બીજી બરસી મનાવવામાં આવી હતી. 3 જાન્યુઆરી 2020ના રોજ બગદાદ ઇન્ટરનેશનલ એરપોર્ટ પર યુએસ ડ્રોન હુમલામાં સુલેમાનીનું મોત થયું હતું. તેના મોતના લગભગ બે વર્ષ પછી, 21 વર્ષની છોકરીએ એવો બદલો લીધો જેની કોઈએ કલ્પના પણ કરી ન હતી. અમેરિકાના લાસ વેગાસમાં એક મહિલા દ્વારા પુરૂષની ચાકુ મારીને હત્યાના પ્રયાસનો ચોંકાવનારો મામલો સામે આવ્યો છે.
આ કેસની તપાસ કરી રહેલા પોલીસ અધિકારીઓનું કહેવું છે કે 2020માં યુએસના ડ્રોન હુમલામાં માર્યા ગયેલા ઈરાની જનરલના મોતનો બદલો લેવા 21 વર્ષીય મહિલા કથિત રીતે હોટલના રૂમમાં પ્રવેશી હતી. સામાન્ય રીતે સંબંધ બાંધવા દરમિયાન પુરુષને ચાકુ માર્યુ હતુ. આ કેસની તપાસ હજુ ચાલી રહી છે. 21 વર્ષીય નિકા નિકોબિન વિરુદ્ધ હત્યાના પ્રયાસ સહિત અનેક કેસમાં કેસ નોંધવામાં આવ્યો છે.
સ્થાનિક પોલીસે આ મામલાની જાણકારી ગુપ્તચર એજન્સીઓને પણ આપી છે. મેલ પાર્ટનરને છરી વડે માર્યા બાદ નીકા ત્યાંથી ભાગી ગઇ હતી. આ દરમિયાન તેણે હોટલના સ્ટાફને કહ્યું કે તેણે રૂમમાં એક ઘટના આચરી છે.મીડિયા રિપોર્ટ્સ અનુસાર, બંને વચ્ચે સંબંધ બાંધવાની શરૂઆત થતાં જ નિકાએ લાઇટ બંધ કરતા પહેલા પીડિતની આંખો પર પટ્ટી બાંધી દીધી હતી. થોડીવાર પછી, પુરુષ પાર્ટનરને તેની ગરદન પર દુખાવો થયો, પછી તેણે જોરથી બૂમો પાડી.
જ્યારે તેને ખબર પડી ત્યારે તેણે તરત જ છોકરીને ધક્કો મારીને 911 નંબર ડાયલ કર્યો.લાસ વેગાસ પોલીસે જણાવ્યું કે નિકોબિન આ વ્યક્તિ સાથે ડેટિંગ વેબસાઈટ પ્લાન્ટી ઓફ ફિશ પર મળ્યો હતો. ત્યાં પરિચય કરાવ્યા બાદ, બંને 5 માર્ચે હેન્ડરસનની સનસેટ સ્ટેશન હોટેલમાં મળવા માટે સંમત થયા હતા. આ હુમલો વર્ષ 2020માં યુએસના ડ્રોન હુમલામાં માર્યા ગયેલા ઈરાની સૈન્ય અધિકારી કાસિમ સુલેમાનીની હત્યાનો બદલો લેવા માટે કરવામાં આવ્યો હતો.
ઈરાની સૈન્યના ટોચના અધિકારી સુલેમાની જાન્યુઆરી 2020માં યુએસ ડ્રોન હુમલામાં માર્યા ગયા હતા. સુલેમાની ઈરાનના રિવોલ્યુશનરી ગાર્ડ કોર્પ્સના કુર્દિશ દળનું નેતૃત્વ કરી રહ્યા હતા, જે ઈસ્લામિક રિપબ્લિકની વિદેશી કામગીરી માટે જવાબદાર છે. પોલીસે જણાવ્યું હતું કે હુમલા પછી છોકરાએ નિકોબિનને ધક્કો માર્યો હતો અને રૂમની બહાર ભાગ્યો હતો અને બાદમાં પોલીસને ફોન કર્યો હતો.
પોલીસે જણાવ્યું હતું કે નિકોબિન પણ રૂમમાંથી બહાર આવી હતી અને તેણે હોટેલ સ્ટાફને કહ્યું હતું કે તેણે હમણાં જ એક વ્યક્તિ પર છરી વડે હુમલો કર્યો હતો. પોલીસને પૂછપરછ દરમિયાન નિકોબિને કહ્યું કે ‘તે બદલો લેવા માંગતી હતી.’