દેશભરમાં હત્યા અને લૂંટના બનાવો સતત સામે આવી રહ્યા છે. ઘણીવાર એવી હેરાન કરનારી ઘટનાઓ પણ સામે આવે છે જે સાંભળીને જ રૂંવાડા ઉભા થઇ જાય. ઘણા કિસ્સાઓમાં પરિવારના જ કોઈ સદસ્ય દ્વારા પરિવારમાં કોઈની હત્યા કરી દેવામાં આવતી હોય છે. ત્યારે હાલ એવો જ એક મામલો હાલ સામે આવ્યો છે, જેમાં એક દીકરીએ પોતાના પ્રેમીના મિત્ર સાથે મળીને પોતાની માતાની હત્યા કરી નાખી.
આ ઘટના સામે આવી છે દિલ્હીના આંબેડકર નગર વિસ્તારમાથી . જ્યાં વર્ષ 2007માં ભાજપની ટિકિટ પર કોર્પોરેશન કાઉન્સિલરની ચૂંટણી લડેલી મહિલાનું ગળું કાપીને હત્યા કરવામાં આવી હતી. આ ઘટનાને મહિલાની પુત્રીએ તેના પ્રેમી મિત્ર સાથે મળીને અંજામ આપ્યો હતો. મૃતકની ઓળખ 55 વર્ષીય સુધા રાની તરીકે થઈ છે. હત્યાનો ભેદ ઉકેલતા પોલીસે પુત્રી 24 વર્ષીય દેવયાની અને પ્રેમીના મિત્ર 23 વર્ષીય કાર્તિકની ધરપકડ કરી છે.
પોલીસે આરોપીના ઈશારે ગુનામાં વપરાયેલ સર્જિકલ બ્લેડ અને અન્ય વસ્તુઓ પણ કબજે કરી છે. દેવયાની તેના પતિને છોડીને તેના પ્રેમી શિબુ સાથે દક્ષિણપુરીમાં રહેતી હતી. માતાને તે ગમ્યું નહીં. સુધાએ દીકરી પર દબાણ લાવવા માટે તેને મિલકતમાંથી કાઢી મૂકવાની ધમકી આપી ખર્ચ ચૂકવવાનું બંધ કરી દીધું હતું. જેનાથી નારાજ થઈને તેણે આ ઘટનાને અંજામ આપ્યો હતો. આ ઘટનાને લૂંટ દરમિયાન બનેલી હત્યાનો રંગ આપવાનો પ્રયાસ કરાયો હતો.
દક્ષિણ જિલ્લાના નાયબ પોલીસ કમિશનરે જણાવ્યું કે શનિવારે રાત્રે લગભગ 10 વાગે આંબેડકર નગર પોલીસ સ્ટેશનને મદનગીર વિસ્તારમાં એક ઘરમાં એક મહિલાની હત્યાની માહિતી મળી હતી. જ્યારે પોલીસ ટીમ ઘટનાસ્થળે પહોંચી ત્યારે સુધા રાનીનો મૃતદેહ ત્યાં એક રૂમમાં પલંગ પર પડ્યો હતો. પલંગની ચાદર પર ચારેય તરફ લોહી હતું. રૂમમાં બળજબરીની કોઈ નિશાની મળી ન હતી. લોહીના છાંટા પણ જમીન પર પડ્યા ન હતા. પોલીસને મહિલાની પુત્રી દેવયાની ઘરે મળી હતી.
તેણે જણાવ્યું કે રાત્રે લગભગ 9.30 વાગ્યે બે બદમાશો તેના ઘરમાં ઘૂસી ગયા અને રોકડ અને ઘરેણાં લૂંટી લીધા. જ્યારે માતાએ વિરોધ કર્યો તો તેણે તેનું ગળું કાપીને તેની હત્યા કરી નાખી. જ્યારે પોલીસે સુધાના મૃતદેહની તપાસ કરી ત્યારે તેમને તેના ગળામાં સોનાની ચેઈન અને તેના શરીર પર અન્ય દાગીના મળી આવ્યા હતા. દેવયાનીને પૂછવા પર, તેણીએ વારંવાર તેના નિવેદનો બદલવાનું શરૂ કર્યું. શંકાના આધારે પોલીસે તેની કડક પૂછપરછ કરી હતી. આ પછી દેવયાની ભાંગી પડી અને પોતાની માતાની હત્યાની હકીકત સ્વીકારી લીધી.
દેવયાનીએ જણાવ્યું કે તેણીએ તેના પ્રેમીના મિત્ર કાર્તિક સાથે વાતચીત કરી હતી. કાર્તિક તેની માતાને મારવા માટે સંમત થાય છે. યોજનાના ભાગરૂપે, દેવયાનીએ ઊંઘની ગોળીઓની વ્યવસ્થા કરી. શનિવારે સાંજે દેવયાનીએ ઘરમાં હાજર તેના કાકા સંજય અને માતા સુધાને ઊંઘની ગોળીઓ સાથે ચા પીવડાવી હતી. મામા બીજા રૂમમાં સૂઈ ગયા. દરમિયાન આરોપીએ કાર્તિકને ફોન કર્યો હતો. તે સમયે સુધા પલંગ પર ગાઢ નિંદ્રામાં હતી. આરોપી પોતાની સાથે સર્જીકલ બ્લેડ લાવ્યો હતો. ત્યાં કાર્તિકે બ્લેડ વડે સુધાનું ગળું કાપી નાખ્યું. આ પછી દેવયાનીએ લૂંટનો કેસ કરવા માટે તેની માતાની રોકડ અને ઘરેણાં આપ્યા હતા. પોલીસે કાર્તિકની ધરપકડ કરી અને તેની પાસેથી ઘરેણાં કબજે કર્યા.