એક સમય એવો હતો જ્યારે યુટ્યુબનો ઉપયોગ ફક્ત ગીતો અને વીડિયો જોવા માટે જ થતો હતો. પરંતુ હવે યુટ્યુબ એક મોટું પ્લેટફોર્મ બની ગયું છે. હવે લોકો YouTube દ્વારા લાખો રૂપિયાની કમાણી કરી રહ્યા છે. ઘણા લોકો યૂટયૂબર પર વ્લોગ શેર કરી સારી કમાણી પણ કરી રહ્યા છે. ત્યારે ઘણા યૂટયૂબરો ફેમસ પણ થઇ ગયા છે અને તેમાંનો જ એક છે યુટ્યુબર અને એક્ટર અરમાન મલિક. અરમાન આ દિવસોમાં સતત ચર્ચામાં છે.
છેલ્લા કેટલાક દિવસોથી અરમાન મલિક તેના પરિવારમાં નવા મહેમાનોનું સ્વાગત કરવાને લઇને ઇન્ટરનેટ પર પ્રભુત્વ ધરાવે છે.અરમાનની બીજી પત્ની કૃતિકા મલિકે 6 એપ્રિલે તેના પહેલા પુત્ર ઝૈદનું આ દુનિયામાં સ્વાગત કર્યું જ્યારે અરમાનની પ્રથમ પત્ની પાયલ મલિકે 26 એપ્રિલે તેના જોડિયા બાળકોનું આ દુનિયામાં સ્વાગત કર્યું. જણાવી દઈએ કે પાયલ પહેલાથી જ એક પુત્ર ચિરાયુ મલિકની માતા છે.
ત્રણ બાળકોના જન્મ બાદ હવે યૂટયૂબર અરમાન મલિક ચાર બાળકોનો પિતા બની ગયો છે. હાલ તો તેના ઘરમાં ખુશીનો માહોલ છે. ત્યારે આ વચ્ચે એક પ્રખ્યાત યુટ્યુબરે અરમાન મલિક વિશે ચોંકાવનારો ખુલાસો કર્યો છે. યુટ્યુબરના બે લગ્નને લઈને સોશિયલ મીડિયા પર નવો વિવાદ છેડાઈ ગયો છે. ઈન્ટરનેટ પર બે યુટ્યુબર્સ વચ્ચે લડાઈ ચાલી રહી છે. એક જાણીતા યુટ્યુબરે દાવો કર્યો છે કે અરમાન મલિકના લગ્ન નકલી છે. અરમાન મલિકની જેમ વિવેક ચૌધરી પણ યુટ્યુબની દુનિયામાં ખૂબ પ્રખ્યાત છે.
વિવેક તેની પત્ની ખુશી પંજાબન સાથે વ્લોગ બનાવે છે. જો કે હાલમાં તેની અને અરમાન વચ્ચે ખૂબ જ તણાવ જોવા મળી રહ્યો છે. બંને યુટ્યુબર્સ આગામી દિવસોમાં એકબીજા પર આકરા પ્રહારો કરતા જોવા મળે છે. વિવેક ચૌધરીનો એક વીડિયો હાલમાં ઈન્ટરનેટ પર વાયરલ થઈ રહ્યો છે. આ વિડીયોમાં તે અરમાન મલિકનું નામ લીધા વગર તેના પર નિશાન સાધતો જોવા મળી રહ્યો છે. વિવેક વીડિયોમાં કહી રહ્યો છે કે, મને સાચો કે ખોટો ના જણાવો, દુનિયાને તમારા બે લગ્નનું સત્ય જણાવો.
વિવેકના કહેવા પ્રમાણે, અરમાન મલિક માત્ર ફેમસ થવા અને દુનિયાને બેવકૂફ બનાવવા માટે બે લગ્નનો ઢોંગ કરી રહ્યો છે. આ સિવાય વિવેક ચૌધરીએ અરમાન મલિક પર ઘણા આરોપો લગાવ્યા છે. વિવેકનું કહેવું છે કે તે અરમાનને સારી રીતે જાણે છે અને તેની સાથે જોડાયેલી દરેક વાત જાણે છે. તેણે ફેમસ થવા માટે તેના માતા-પિતાને પણ છોડી દીધા, માત્ર નામ કમાવવા માટે બે લગ્ન કરવાનો ડોળ પણ કર્યો.