અમદાવાદમાં હવસખોર સસરાએ 24 વર્ષીય પુત્રવધુ પર ગુજાર્યો બળાત્કાર, સસરાએ વહુનું મોંઢુ-હાથ-પગ રૂમાલ અને દોરીથી ….
રાજ્યમાંથી અવાર નવાર બળાત્કારના કિસ્સા સામે આવે છે, ત્યારે હાલમાં અમદાવાદમાં સબંધોને શર્મશાર કરતો એક કિસ્સો સામે આવ્યો છે. જેમાં સસરાએ દીકરી સમાન પુત્રવધુની લાજ લૂંટી હોવાનો મામલો સામે આવતા ચકચારી મચી ગઇ છે. હજી તો દીકરાના લગ્નને ચાર મહિના જ થયા હતા અને તેના નરાધમ પિતાએ દીકરાની ગેરહાજરીમાં પુત્રવધૂને બંધક બનાવીને જબરદસ્ત દુષ્કર્મ આચરી પોતાના લક્ષણ દેખાડ્યા.
જે બાદ સસરાની હેવાનીયતથી ગભરાયેલી પરિણીતા પિયર ગઇ અને ત્યાં તેણે તેના પિતાને આ વાતની જાણ કરી. ત્યારે અચાનક પરણિતાને લેવા પહોંચેલા પતિને આ વાતની જાણ થતા તેના પગ નીચેથી તો જમીન સરકી ગઇ. તે બાદ આ મામલે રામોલ પોલીસ સ્ટેશનમાં સસરા વિરૂદ્ધ પરણિતાએ ફરિયાદ નોંધાવી. જણાવી દઇએ કે, અમદાવાદના રામોલ વિસ્તારમાં પતિના પરિવાર સાથે રહેતી પરણિતા એક દિવસ પતિના નોકરી ગયા બાદ કપડા ધોઇ રહી હતી,
આ વેળાએ જ હવસખોર સસરાએ પુત્રવધુ પર નજર બગાડી અને તેને પોતાની હવસનો શિકાર બનાવી. સસરાએ પુત્રવધૂને બાથમાં ભીડી તેને જમીન પર પટકી અને મોઢુ તેમજ હાથ-પગ બાંધી તેના પર દુષ્કર્મ ગુજાર્યું. એટલું જ નહિ આ પછી આ વાત પતિને ન જણાવવાની ધમકી પણ આપી. જે બાદ હેબતાઇ ગયેલી પરણિતા પિયર જતી રહી. જ્યા પરિવારને સમગ્ર હકીકતની જાણ કરી. તપાસમાં સામે આવ્યું કે આરોપીના પુત્રના લગ્નને 4 મહિના જ થયા હતા.
આરોપી અને તેનો પુત્ર નોકરી કરે છે જ્યારે પુત્રવધુ ઘરે એકલી રહે છે. પત્નીને લેવા પહોંચેલા પતિને આ ઘટનાની જાણ થતા તેના પગ નીચેથી જમીન સરકી ગઈ. જે બાદ મામલો પોલીસ સ્ટેશન પહોંચ્યો અને મહિલાએ રામોલ પોલીસ સ્ટેશનમાં પોતાના સસરા વિરુદ્ધ દુષ્કર્મની ફરિયાદ નોંધાવી. ત્યારે ફરિયાદ નોંધાયા બાદ રામોલ પોલીસે આરોપીની ધરપકડ કરવાની તજવીજ હાથ ધરી.